ഒരു വര്‍ണലോകത്തില്‍ ചിറകു വിരിക്കനായ്
ഒരു തുടുപ്പുപോല്‍ ഞാന്‍ നിന്നില്‍ നിറഞ്ഞപ്പോള്‍
അറിഞ്ഞില്ല നീയെന്‍ ഉള്ളം തേങ്ങും വെമ്പലുകള്‍
കേട്ടില്ല നീയെന്‍ നിലവിളികള്‍ ....
തണുപ്പാര്‍ന്ന ഇരുട്ടറയില്‍ കാത്തിരുന്നു
ആര്‍ദ്രമാം നിന്‍ മാറോട് ചേര്‍ന്നിരിക്കാന്‍
മാറില്‍ ച്ചുരത്തുന്നഅമൃതു നുണയാന്‍
നിന്‍ ഹൃത്തിന്‍ താളമേറ്റുരങ്ങാന്‍ ...
അമ്മേ ,അമ്മേയെന്നു വിളിക്കാന്‍
എന്‍ അകതാരം പിടഞ്ഞിരുന്നു
നീയെന്‍ കവിളത്ത് നല്‍കുന്ന മുത്തങ്ങള്‍
ഏറ്റു വാങ്ങാന്‍ , കുഞ്ഞിളം കൈകളാല്‍ തൊട്ടുനോക്കാന്‍ ,
ഒരു നോക്കു കാണാതെ പോയത് എന്തമ്മേ?
കൂരിരുള്‍ ചുവരില്‍ പറ്റി ചേര്‍ന്നു നിന്നു ഞാന്‍
മൌനമായ്‌ നിന്‍ വിളി കാതോര്‍ത്തു
വേദനിക്കുന്നു അമ്മേ മാറ്റാന്‍ പറയു ആ കത്തി
എനിക്കെന്‍ അമ്മയെ കാണണം ,അച്ഛനെ കാണണം
മാറ്റാന്‍ പറയു അമ്മേ ആ കത്തി ...
രചയിതാവ് ഈ അഭിപ്രായം നീക്കംചെയ്തു.
മറുപടിഇല്ലാതാക്കൂ