2009, മേയ് 31, ഞായറാഴ്ച
ഈ മഴ കാലത്തു....
എടവവും വന്നു എടവപ്പാതിയും വന്നു
ഭൂതലം കുളിര്ത്തു ,പാടങ്ങള് തളിര്ത്തു
നദികള് നിറഞ്ഞു ,കുളവും നിറഞ്ഞു
കുളിര്ത്തുവെന് മനം ,പെയിതിറങ്ങിയ
മഴപോലെ ,നീന്തി തുടിച്ചു ഉള്ളിലെ
മത്സ്യ കന്യകമാര് നിറച്ച മധു ചഷകം
തട്ടി തെറിപ്പിച്ചു കൊണ്ട് ...
ശ്രുതി മീട്ടി യെന് ധമനികള് ഒഴുകി
താളലയത്തോടെ,പാദസ്വരം
കിലുക്കിയെന് പാദങ്ങള് ചുവടു വച്ചു
സ്വര്ഗ നര്ത്തകിയായ് ദേവവര്ഷത്തെ
വരവേറ്റു ,കുളിച്ചോരുങ്ങിയ പ്രകൃതിക്കു കൂട്ടായ്...
നീലോല്പലം പൂവിട്ടുവെന്
മാനസതടാകം നിറഞ്ഞു നില്ക്കെ
നീരാട്ടിനുനിറങ്ങി അര്ക്കനും,കുട പിടിച്ചു
കാര്മേഘ കൂട്ടങ്ങള് ,വെഞ്ചാമരം വീശി കാറ്റും
സാന്ദ്രമായ് മഴത്തുള്ളികള് ഒഴുകും നേരം
കളിവഞ്ചി തീര്ത്തു ഞാന് ,
പൂക്കള് നിറച്ചു ,നിറങ്ങള് തൂകി
ഓളങ്ങള് വകഞ്ഞു മെല്ലെ ദൂരേക്ക് പോകും
കളിവഞ്ചിക്കു കൂട്ടായ് യിരു കണ്ണുകളും
നീട്ടവേ ..മുങ്ങിയെന് തോണി
നീര് നിറഞ്ഞു വെന് കണ്ണിലും....
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
:)
മറുപടിഇല്ലാതാക്കൂ